சபரிமலை செல்லும் வாகனங்கள் இதுவரை இல்லாத அளவில் அதிகரிப்பு

கம்பம்:சபரிமலை ஐயப்ப சுவாமியை தரிசிக்க மண்டல காலம் துவங்கியது முதல் அதிகளவில் வாகனங்கள் அணிவகுத்து செல்ல துவங்கி உள்ளன.

சபரிமலை ஐயப்பன் கோயில் உற்ஸவம் துவங்கிய கார்த்திகை முதல் தேதியிலிருந்து மாலை அணிந்து விரதத்தை பக்தர்கள் துவக்குவர். 48 நாட்கள் விரதத்திற்கு பின் சபரிமலை செல்வார்கள். மார்கழி, தை மாதங்களில் மண்டல பூஜை, மகர ஜோதியை காண லட்சக்கணக்கான பக்தர்கள் திரள்வர். இரண்டு ஆண்டுகளாக கொரோனாவால் கூட்டம் இல்லை. கார்த்திகை முதல் நாள் முதல் அதிக வாகனங்கள் சபரிமலை சென்றன.

கர்நாடகா, ஆந்திரா, தெலுங்கானா, புதுச்சேரி மாநிலங்களின் பதிவு எண் கொண்ட வாகனங்கள் இரவு முழுதும் சென்றன.