தேனியில் மாற்று வழியில் பஸ்கள் இயக்கம் அறிவிப்பு இன்றி பயணிகள் காத்திருப்பு

தேனியில் தேசிய நெடுஞ்சாலைத்துறை சார்பில் ரயில்வே மேம்பால பணிகள், பழைய பஸ் ஸ்டாண்ட் அருகே ராஜவாய்க்கால் பாலம் அகலப்படுத்தும் பணி நடந்து வருகிறது.

பாலம் அகலப்படுத்தும் பணி நடந்து வருவதால் கம்பம், போடியில் இருந்து வரும் பஸ்கள், பழைய பஸ் ஸ்டாண்டிற்குள் செல்லாமல் மதுரை ரோடு செல்ல வேண்டும். மதுரை ரோட்டில் இருந்து கம்பம், போடி செல்லும் பஸ்கள் பழைய பஸ் ஸ்டாண்டிற்குள் செல்லும் என அறிவிக்கப்பட்டிருந்தது.

இந்நிலையில் இரு பஸ் ஸ்டாண்டிலும் கம்பம், போடி செல்லும் பஸ்கள் புது பஸ் ஸ்டாண்டில் இருந்து அன்னஞ்சி விலக்கு, திண்டுக்கல்-குமுளி பைபாஸ் வழியாக செல்லும் என பிளக்ஸ் போர்டுகள் வைக்கப்பட்டிருந்தன.