தோட்ட விவசாயத்தில் நிலக்கடலை சாகுபடி: விவசாயிகள் ஆர்வம்

கூடலுார் : மானாவாரி நிலங்களில் அதிகம் பயிரிடப்பட்டு வந்த நிலக்கடலை தற்போது கூடலுார் பகுதியில் தோட்ட விவசாயத்தில் சாகுபடி செய்வதில் விவசாயிகள் ஆர்வம் காட்டி வருகின்றனர்.

கூடலுார் மேற்குத் தொடர்ச்சி மலை அடிவாரப் பகுதியில் 2 ஆயிரம் ஏக்கருக்கு மேல் மானாவாரி விவசாய நிலங்கள் உள்ளன. சில ஆண்டுகளுக்கு முன் வரை நிலக்கடலை சாகுபடி அதிகளவில் நடந்து வந்தது. சித்திரையில் அறுவடையில் வெளியூர்களில் இருந்து ஏராளமான தொழிலாளர்கள் கூடலுார் பகுதியில் வந்து, தங்கி நிலக்கடலை அறுவடை பணியில் ஈடுபடுவர்.