குடிநீர் தட்டுப்பாட்டால் அரசு மாதிரி மேல்நிலைப்பள்ளியில் அவதி பள்ளி நேரத்திற்கு அரசு பஸ் இயக்க கோரிக்கை

இங்குள்ள அரசு மாதிரி மேல்நிலைப்பள்ளியில் சில்வார்பட்டி, நல்லகருப்பன்பட்டி, தேவதானப்பட்டி உட்பட 30 க்கும் அதிகமான கிராமங்களில் இருந்து மாணவ,மாணவிகள், எல்.கே.ஜி., முதல் பிளஸ் 2 வரை 1900பேர் படிக்கின்றனர். பள்ளிக்கு தினமும் 20 ஆயிரம் லிட்டர் குடிநீர் தேவைப்படுகிறது. பள்ளி வளாகத்தில் உள்ள 7500 லிட்டர் கொள்ளளவு கொண்ட குடிநீர் தொட்டியிலிருந்து வினியோகிக்கப்படும். குடிநீர் மதியம் 12:00 மணிக்குள் காலியாகிவிடும். இதனால் சில மாணவர்கள் வீட்டிலிருந்து இரு குடிநீர் கேன்கள் கொண்டு வருகின்றனர். கோடை காலம் துவங்குவதற்குள் கூடுதலாக 16 ஆயிரம் லிட்டர் குடிநீர் தொட்டி கட்டுவதற்கு கல்வித்துறை நடவடிக்கை எடுக்க வேண்டும்.

தனியார் பஸ் சேவை நிறுத்தம்: பெரியகுளம் பஸ்ஸ்டாண்டிலிருந்து காலை 8:00 மணிக்கு தேவதானப்பட்டி புறப்படும் தனியார் டவுன் பஸ் வடுகபட்டி, மேல்மங்கலம், ஜெயமங்கலம் வழியாக சில்வார்பட்டி பள்ளி முன்பு 8:30 மணிக்கும், அதே பஸ் தேவதானப்பட்டிக்கு சென்று விட்டு 8:50 மணிக்கு பள்ளி முன்பு மாணவர்களை இறக்கி விடுவர்.

இது மாணவர்களுக்கு பயனாக இருந்தது. டவுன்பஸ்சிற்கு போதிய வசூல் இல்லாத காரணத்தால் இரு மாதங்களாக பஸ் சேவை நிறுத்தப்பட்டுள்ளது. இதனால் மாணவர்கள்அவதிப்படுகின்றனர்.