நெற் பயிரில் புகையான் தாக்குதல் தடுக்க வேளாண் துறை ஆலோசனை

சின்னமனூர் வட்டாரத்தில் சாகுபடி செய்யப்பட்டுள்ள நெற் பயிரில் புகையான் தாக்குதல் தென்படுகிறது. இதனை தடுக்க வேளாண் உதவி இயக்குநர் பாண்டி ஆலோசனையில் கூறியிருப்பதாவது :

குச்சனூர், மார்க்கையக்கோட்டை, பூலானந்தபுரம், சின்னமனூர், கருங்கட்டான்குளம் பகுதி நெல் பயிரில் அடிப்பகுதியில் இளம் பூச்சிகளும், முதிர்ந்த பூச்சிகளும் இருந்து கொண்டு பயிரின் சாற்றை உறிஞ்சுகிறது.

பாதிக்கப்பட்ட பயிர்கள் வளர்ச்சி குன்றி வட்ட வடிவில் காயத் தொடங்கும். தீய்ந்தது போல் மஞ்சள் அல்லது பழுப்பு நிறமாகவும், முற்றிலும் காய்ந்து காணப்படும். இதனால் பயிர்கள் சாய்ந்து விடும்.

இதை கட்டுப்படுத்த வயலில் நீரை முழுவதும் வடித்து விட வேண்டும். நெருக்கமாக நடவு செய்யும் முறையை தவிர்க்க வேண்டும்.