மண் பானைகளுக்கு மவுசு அதிகரிப்பால் தொழிலாளர்கள் உற்சாகம் : பொங்கல் பண்டிகைக்கு மண்பாண்டங்கள் தயாரிப்பு மும்முரம்

பொங்கல் நாளில் வீட்டின் வாசலில் விறகு அடுப்பில் புது மண்பானையில் பச்சரிசி, பாசிப்பருப்பு, வெல்லம்,நெய், முந்திரிபருப்பு கலந்து குடும்பத்தினரோடு பொங்கல் வைத்து பொங்கல் பொங்கி வரும்போது ‘பொங்கலோ பொங்கல்’ என குலவை ஓசையிட்டு சூரியனை வழிபடுவது மரபு.

எந்திர வாழ்க்கையில் மண்பானைகளின் பயன்பாடு குறைந்து பித்தளை, சில்வர், அலுமினியம் பாத்திரங்கள் பயன்பாடு அதிகரித்ததால் மண்பாண்டங்களில் தேவை குறைந்துவிட்டது. ஆனாலும் பொங்கல் நாளில் மண் பானையில் பொங்கல் வைப்பதை பலரும் விரும்புகின்றனர்.

ஓட்டல்களில் வரவேற்பு பெறும் மண்பனை

மாவட்டத்தில் பெரியகுளம் ஒன்றியம் டி.கள்ளிப்பட்டி, கைலாசபட்டி, புல்லக்காபட்டி மற்றும் பூதிப்புரம், போடி பகுதியில் குலாளர் இன மக்கள் பலரும் தங்கள் குலத்தொழிலாக மண்பாண்டங்கள் தயார் செய்து வருகின்றனர். பொங்கல் பானையும், காணும் பொங்கலுக்கு சிறிய அளவிலான பருப்பு சட்டி, அசைவ பிரியர்கள் ருசிக்க சிறிய அளவிலான மீன் சட்டி தயாராகி வருகிறது.