உங்களை தேடி உங்கள் ஊரில்’ தேனியில் நாளை முகாம்
தேனி: தேனி தாலுகாவிற்கு உட்பட்ட பகுதிகளில் கலெக்டர் ஷஜீவனா தலைமையில் நாளை(ஜன.,22) காலை 9:00 மணி முதல் ஜன.,23 காலை 9:00 மணி வரை உங்களைத்தேடி உங்கள் ஊரில் முகாம் நடக்கிறது.
இந்த முகாமில் தாலுகாவிற்கு உட்பட்ட அரசு அலுவலகங்கள், மருத்துவமனைகள், பள்ளிகளில் கலெக்டர், அரசு துறைகளைச் சேர்ந்த மாவட்ட அதிகாரிகள் ஆய்வு செய்ய உள்ளனர்.
பொதுமக்கள் தங்கள் கோரிக்கைகள், புகார்களை தேனி தாலுகா அலுவலகத்தில் நாளை மாலை 4:00 மணி முதல் 6:00 மணி வரை நேரில் வழங்கலாம் என கலெக்டர் தெரிவித்துள்ளார்.
