நாட்டு சோளத்திற்கு தட்டுப்பாடு விதை தேடும் விவசாயிகள்

விவசாயத்தை முக்கிய தொழிலாக கொண்ட ஆண்டிபட்டியில் ஆயிரக்கணக்கான ஏக்கரில் ஒவ்வொரு ஆண்டும் ஒரு போகம் மானாவாரியாகவும், நூற்றுக்கணக்கான ஏக்கரில் இறவை பாசனத்தில் இருபோகமும் சாகுபடி செய்கின்றனர்.

கோடை சாகுபடியில் இறவை பாசன நிலங்களில் விவசாயிகள் பலரும் சிறு தானியங்களில் நாட்டு ரக சோளம், சிவப்பு சோளம், கம்பு ஆகியவற்றை தேர்வு செய்கின்றனர்.

கடந்த காலங்களில் விவசாயிகள் அறுவடைக்கு பின் குறிப்பிட்ட அளவில் தானியங்களை எடுத்து அடுத்த முறை விதைப்புக்காக பத்திரப்படுத்தி விடுவர். விவசாயத்தில் நிலையற்ற தன்மை ஏற்பட்டதால் விதைப்புக்கான தானியங்களை பத்திரப்படுத்துவதை தவிர்த்துள்ளனர்.

தனியார் விதைகள் பூச்சி மருந்து விற்பனை கடைகள், ஒருங்கிணைந்த விவசாயத்துறை அலுவலகங்களில் இருப்பில் வைக்கப்படுபவைகளை தேவையான நேரங்களில் வாங்கி விதைப்புக்கு பயன்படுத்துகின்றனர்.