அலைபேசி பழுது நீக்குதல் பயிற்சிக்கு விண்ணப்பிக்கலாம்
தேனி கனரா வங்கி ஊரக சுயவேலைவாய்ப்பு பயிற்சி மையத்தில் அலைபேசி பழுது நீக்குதல் பயிற்சி ஏப்.,28 முதல் வழங்கப்பட உள்ளது. இது இலவச பயிற்சியாகும். ஏப்.,28 முதல் 30 நாட்களுக்கு காலை 9:30 மணி முதல் மாலை 5:30 மணி வரை நடைபெறும்.
பயிற்சியில் இருவேளை உணவு, டீ வழங்கப்படும். தங்கி பயிற்சி பெறும் வசதி உள்ளது. பயிற்சியில் தேர்ச்சி பெறுபவர்களுக்கு மத்திய அரசு சான்றிதழ், தொழில் துவங்க கடன் ஆலோசனை வழங்கப்படும்.
விருப்பமுள்ளவர்கள் புகைப்படம், ஆதார் நகலுடன் கருவேல்நாயக்கன்பட்டி தொழிலாளர் நலத்துறை அலுவலகம் அருகே செல்படும் கனரா வங்கி ஊரக சுயவேலை வாய்ப்பு பயிற்சி மையத்தில் அணுகலாம்.
மேலும் விபரங்களுக்கு 95003 14193 என்ற எண்ணில் தொடர்பு கொள்ளலாம் என பயிற்சி மைய இயக்குநர் ரவிக்குமார் தெரிவித்துள்ளார்.
