துறைமுகம், விமான நிலையத்தில் போர் ஒத்திகை

நேற்று மாலை 4:00 முதல் 5:00 மணி வரை, இந்த ஒத்திகை நிகழ்ச்சி நடத்தப்பட்டது.

துறைமுகத்தில் எண்ணெய் சுத்திகரிப்பு பகுதிகளில் தாக்குதல் மற்றும் கடலோர பகுதியில் சந்தேகத்திற்கு இடமான அதிவேக படகு ஊடுருவல் ஆகிய, இரட்டை அச்சுறுத்தல் நிலை உருவாக்கப்பட்டது.

காமராஜர் துறைமுகம், அதன் பங்குதாரர்கள், மாவட்ட நிர்வாகம், இந்திய கடலோர காவல் படை, தமிழக காவல் துறை, தேசிய பேரிடர் மீட்பு படை, எண்ணெய் நிறுவனங்கள், துறைமுக பயனாளர்கள், மாநில மருத்துவ குழு மற்றும் தன்னார்வலர்கள் மற்றும் முதன்மை மீட்பாளர்கள் உட்பட, 270 பேர், இந்த ஒத்திகையில் ஈடுபட்டனர்.

ஒத்திகை நிகழ்வு முடிந்தவுடன், காமராஜர் துறைமுகத்தின் நிர்வாக இயக்குநர் ஐரீன் சிந்தியா தலைமையில், மாவட்ட மற்றும் மாநில பேரிடர் மேலாண்மை துறை அதிகாரிகள் மற்றும் பாதுகாப்பு நிறுவனங்களுடன் ஆலோசனை கூட்டம் நடத்தப்பட்டது.

இந்த ஒத்திகையால், பாதுகாப்பு முன்னெச்சரிக்கைகளை உறுதிபடுத்துவதோடு, தேவையான தருணங்களில் விரைவாகவும், திறமையாகவும் செயல்பட இயலும் என்பதும் நிரூபிக்கப்பட்டது.

சென்னை விமான நிலையத்தில், மத்திய தொழில் பாதுகாப்பு படையினர், தேசிய பேரிடர் மேலா ண்மை வீரர்கள், தமிழக காவல் துறையினர் இணைந்து, போரின் போது பயணியரை எவ்வாறு மீட்பது; பயணியர் தங்களை எப்படி பாதுகாத்துக் கொள்வது; என்னென்ன வழிமுறைகளை பின்பற்ற வேண்டும் என்பது உள்ளிட்டவை குறித்து ஒத்திகை பார்க்கப்பட்டது.