மாவட்ட குழந்தைகள் பாதுகாப்பு அலுவலர் தகவல்: வார்டுகள் தோறும் குழந்தைகள் பாதுகாப்பு குழு அமைக்க நடவடிக்கை

குழந்தைகளை தத்தெடுப்பதற்கு அரசின் அனுமதி அவசியம். நெருங்கிய உறவினர்களின் குழந்தையை தத்தெடுக்க வேண்டும் என்றால் கூட மத்திய அரசின் cara.nic.in என்ற இணை தளத்தில் பதிவு செய்ய வேண்டும்.

இவ்வாறு பதிவு செய்யாமல் தத்தெடுப்பது சட்டப்படி குற்றமாகும். மாவட்டத்தில் ஒராண்டில்பதிவு செய்யாமல் தத்தெடுத்ததற்காக 2 வழக்கு பதிவு செய்யப்பட்டுள்ளது.தற்காலிக தத்தெடுத்தல் என்பது 7 வயதிற்கு மேற்பட்ட குழந்தைகளை அவர்களின் விருப்பத்தின் பேரில் தத்தெடுப்பதாகும். இக்குழந்தைகளை தத்தெடுத்தவர்கள் அழைத்து சென்ற பின்பும் 2 ஆண்டுகள் தொடர்ந்து கண்காணிக்கப்படுவார்கள்.

குழந்தைகளுக்கு பிடித்திருந்தால் 18 வயது வரை அனுமதி வழங்கப்படும். குழந்தைகளுக்கு பிடிக்கவில்லை என்றால் மீண்டும் இல்லங்களுக்கு அழைத்து வந்து விடுவோம். குழந்தைகளை தத்தெடுப்பது தொடர்பான மேலும் விபரங்களுக்கு தேனி பெருந்திட்ட வளாகத்தில் உள்ள அலுவலகத்தில் தொடர்பு கொள்ளலாம்.

தொட்டில் குழந்தை திட்டம் செயல்பாட்டில் உள்ளதா

மாவட்டத்தில் தொட்டில் குழந்தை திட்டம் செயல்பாட்டில் உள்ளது. பொருளாதார சூழல், உடல் நலனால் குழந்தைகளை வளர்க்க இயலாத பெற்றோர் அரசிடம் வழங்கலாம். அதற்கு அவர்கள் அரசு ஆரம்ப சுகாதார நிலையம், பொது மருத்துவமனைகளில் தெரிவித்தால் போதும். துறை மூலம் குழந்தைகள் பெறப்பட்டு தத்து வளர்ப்பு மையங்களில் வளர்க்கப்படுவார்கள். ஆறு மாதங்களில் 7 குழந்தைகள் பெறப்பட்டுள்ளன.

பொது இடங்களில் குழந்தைகள் யாசகம் பெறுகின்றனறே

பள்ளிக் கல்வித்து றையுடன் இணைந்து யாசகம் பெறும் குழந்தைகளை சிறப்பு பள்ளியில் தங்கி படிக்க வைக்க முயற்சிகள் நடந்து வருகிறது. ஆதரவற்ற குழந்தை களுக்கான திட்டம், பெற்றோரை இழந்தவர்கள், ஒரு பெற்றோர் மட்டும் உடைய குழந்தைகள், மாற்றத்தி றனாளிகள், சிறைக்கைதிகளின் குழந்தைகளுக்கு ‘மிஷன் வாத்சல்யா’ திட்டத்தில் உதவித்தொகை வழங்கப் படுகிறது. இத்திட்டத்தில் மாதந்தோறும் உதவித் தொகையாக ரூ.4ஆயிரம் வழங்கப்படுகிறதுஅரசு சார்பில் 260 பேருக்கு உதவித்தொகை வழங்கப் படுகிறது. கலெக்டர் முயற்சியில் சமூக பாதுகாப்பு நிதியில் இருந்து ஆதரவற்ற குழந்தைகள் 255 பேருக்கு ரூ.5.75 லட்சம் மதிப்பில் நிதி உதவி வழங்கப்பட்டுள்ளது