குழந்தைகள் நல சிகிச்சைத்துறை உதவி பேராசிரியர் ஆலோசனை: குழந்தைகளுக்கு வசம்பு கொடுப்பதை தவிர்க்க வேண்டும்

பச்சிளங்குழந்தை யார், தாய்ப்பால் எப்போது கொடுக்க வேண்டும்

தாய் பிரசவித்த குழந்தையின் முதல் 28 அல்லது 30 நாட்களுக்குள் உள்ள குழந்தைகளை பச்சிளங்குழந்தைகளாகும். தாய்ப்பால் குழந்தை பிறந்த ஒரு மணி நேரத்தில் கொடுக்க வேண்டும். சுகப்பிரசவத்திற்கு நேர குறியீடு இல்லை. சிசேரியன் குழந்தை என்றால் பிறந்த ஒரு மணி நேரத்திற்குள் தாய்ப்பால் கொடுக்க வேண்டும். ஏனெனில் அப்போதுதான் வயிற்றில் செரிமான நடைமுறை முறையாக நடக்கும். குழந்தை ‘மோஷன்’ போக ஆரம்பிக்கும்.இதனால் ஒரு மணி நேரத்திற்குள் தாய்ப்பால் கொடுப்பது அவசியம்.

தாய்ப்பாலின் ‘சீம்பால்’ பற்றி கூறுங்கள்பிரசவித்த தாயின் மார்பில் முதல் மூன்று நாட்களில் சுரக்கும் பாலுக்கு சீம்பால் என்கிறோம். இதனை அவசியம் குழந்தைகளுக்கு ‘ப்ரஸ்ட் ப்பீடிங்’ மூலமே வழங்க வேண்டும். சீம்பாலின் புரோட்டின், கொலுப்புசத்து மிக அதிகமாக இருக்கும். நோய் எதிர்ப்பு சத்துக்களும் அதிகமாக இருக்கும். இதைத்தவிர வேறுபால் கொடுத்தால் செரிமாணம் ஆகாது. மோஷன்’ வெளியேற காலதாமதம் ஏற்படும்.

தாய்ப்பால் கொடுக்கும் முறை குறித்து

சுகப்பிரசவத்தில் பிறந்த குழந்தைகளுக்கு தாய்மார்கள் அமர்ந்து கொடுக்கலாம். இதுவே சிறந்த முறையாகும். ஆனால் சிசேரியன்’குழந்தை பெற்ற தாய்மார்கள் எழுந்திருக்க முடியாத நிலை இருக்கும். அதனால் ஒருபக்க சாய்ந்து படுத்த நிலையில் கொடுக்கலாம். நர்சிங் உதவியுடன் மல்லாகக படுத்தும் வழங்கலாம். மிக முக்கியமாக பால் கொடுத்த பின் குழந்தை படுத்த நிலையில் இருக்கக்கூடாது. தோளில் வைத்திருக்க வேண்டும். இது 10 முதல் 15 நிமிடங்கள் வரை அல்லது குழந்தைக்கு ஏப்பம் வரும் வரை தோளில் போட்டு இளைப்பார வைப்பது அவசியம்.

நாள் ஒன்றுக்கு எத்தனை முறை தாய்ப்பால் கொடுக்க வேண்டும்

பிரசவித்த தாய்மார்கள் நாள் ஒன்றுக்கு10 முறை தாய்ப்பால் கொடுக்க வேண்டும். குறைந்தபட்சம் 8 முறையாவது கொடுக்க வேண்டும். இதுதான் ஆரோக்கியம். முதல் ஒரு மாத குழந்தை 10 நிமிடம் தொடர்ந்து குடிக்கும்.ஒரு மாதத்திற்கு மேலுள்ள குழந்தை 20 நிடங்கள் குடிக்கும். அதன்பின் 9 மாதங்கள் வரை இந்த கால அளவில் மாற்றம் இருக்காது.