குற்றச் செயல்களுக்கு பயன்படுத்த வாய்ப்பு: ‘நம்பர் பிளேட்’ இன்றி இயங்கும் டூவீலர்கள் கண்காணிக்கப்படுமா,

தேனி: மாவட்டத்தில் நம்பர் பிளேட் இன்றி டூவீலர்களை இயக்குவது அதிகரித்துள்ளது. இவ்வகை டூவீலர்களை குற்றச்செயல்களுக்கு பயன்படுத்தும் வாய்ப்பும் உள்ளது. இந்த டூவீலர்கள் எழுப்பும் ஹாரன் சத்தத்தால் பிற வாகன ஓட்டிகளும் பாதிப்படைகின்றனர். இதனால் இதுகுறித்து போலீசார் கண்காணிப்பை தீவிரப்படுத்த பொது மக்கள் கோரியுள்ளனர்.

இம்மாவட்டத்தில் கடந்த சில ஆண்டுகளில் டூவீலர்களின் எண்ணிக்கை அதிகரித்துள்ளன. அதிலும் தேனி, பெரியகுளம், சின்னமனுார் உள்ளிட்ட நகர் பகுதி, அதனை ஒட்டியுள்ள பகுதிகளில் நம்பர் பிளேட் இன்றி இயங்கும் டூவீலர்களின் எண்ணிக்கையும் அதிகம். இவ்வகை டூவீலர்களை 18 முதல் 30 வயதிற்கு உட்பட்ட இளைஞர்கள் அதிகம் இயக்குகின்றனர். சிலர் ‘ரேஸ்’ விடுவதற்கும், அதிக சத்தம் எழுப்பும் ஹாரன் பொருத்தியும் இயக்குகின்றனர். இந்த டூவீலர்கள் எழுப்பும் அதிக சப்தத்தினால்த்தத்தினால் ரோட்டில் செல்லும் மற்ற டூவீலர் ஓட்டிகள் தடுமாறுவதும் தொடர்கிறது. இவ்வகை டூவீலர்களை பள்ளி, கல்லுாரி மாணவர்களும் அதிகம் ஓட்டுகின்றனர்.