ஊராட்சி, பேரூராட்சிகளில் பயன்பாடின்றி பூங்காக்கள் முடக்கம்: விளையாட்டு திடல் இன்றி இளைஞர்கள் பரிதவிப்பு

ஆட்கள் நடமாட்டம் இல்லாததல் இந்த பூங்காக்கள் விஷ பூச்சிகள், சமூக விரோதிகளின் புகலிடமாக மாறி வருகின்றன. செயல்படாத பூங்காக்களை மீண்டும் பயன்பாட்டிற்கு கொண்டு வர அருகே வசிக்கும் குடியிருப்போர் வலியுறுத்துகின்றனர்.

செயல்படாத ‘நம்ம ஊரு விளையாட்டு திடல்’ திட்டம் மைதனாங்கள் இல்லாத ஊராட்சிகளில் பள்ளிக்கல்வித்துறை, ஊரக வளர்ச்சித்துறை இணைந்து நம்ம ஊரு விளையாட்டு திடல் அமைக்க ஆக., 2023ல் அரசு உத்தரவிட்டது. ஆனால் தேனி மாவட்டத்தில் இத்திட்டத்தில் எந்த ஊராட்சியிலும் செயல்பாட்டிற்கு கொண்டு வரவில்லை.

மைதானங்கள் இருந்தவரை கிரிக்கெட், கபடி, வாலிபால், கால்பந்து என இளைஞர்கள், மாணவர்கள் விளையாடிக்கொண்டிருந்தனர்.

தற்போது போதிய அளவில் மைதானங்கள் இல்லாததல் அலைபேசி, போதை பழக்கங்களுக்கு அடிமையாகி வருகின்றனர். ஊராட்சிகள், பேரூராட்சி பகுதிகளில் முடங்கிய பூங்காக்களை பயன்பாட்டிற்கு கொண்டு வரவும், ஊராட்சிகளில் மைதானங்கள் அமைக்க மாவட்ட நிர்வாகம் நடவடிக்கை எடுக்க வேண்டும்.