போடி -மூணாறு ரோட்டில் ஆமை வேகத்தில் நடக்கும் மேம்பால பணி சுற்றுலா பயணிகள் , பொதுமக்கள் தினமும் அவதி

16 இடங்களில் பாலம், தடுப்புச் சுவர்கள் அமைப்பதற்காக ரோட்டோரத்தில் இருந்த மா, தென்னை மரங்கள், கடைகளை தேசிய நெடுஞ்சாலைத்துறை மூலம் அகற்றப்பட்டு பணிகள் நடந்து வருகின்றன. பணிகள் துவங்கி 2 ஆண்டுகள் ஆகியும் முடிவடையாமல் ஆமை வேகத்தில் நடந்து வருகிறது. 100 அடி அகல ரோடு இருந்தும் தார்ரோடாக மாற்றாததால் பொதுமக்கள், வாகன ஓட்டிகள் கடும் சிரமத்திற்குள்ளாகி வருகின்றனர்.

போக்குவரத்து நெரிசலால் சிரமம்

செல்வம், சமூக ஆர்வலர், போடி : போடி – மூணாறு செல்லும் முந்தல் ரோட்டில் தமிழக கேரளா சுற்றுலா பயணிகள், விவசாயிகள், கல்லூரி மாணவர்கள் பஸ், கார், ஜீப் உட்பட ஏராளமான வாகனங்களில் சென்று வருகின்றனர்.

மதுரை – போடி ரயில் வரும் போதும், திரும்பும் நேரங்களில் ரயில்வே கேட் மூடப்படுவதால் வாகனங்கள் செல்ல முடியாமல் நிறுத்தப்படுகிறது. அப்போது கடும் போக்குவரத்து நெரிசல் ஏற்பட்டு சிரமப்படுகின்றனர். இதனை தவிர்க்க ரயில்வே மேம்பாலம், ரோடு அகலப்படுத்தும் பணி துவங்கப் பட்டன.