பன்னீர் திராட்சை விலையில் திருப்தி நுகர்வு குறைவால் கொள் முதலில் சிக்கல்

ஒவ்வொரு ஆண்டும் நவ.,டிசம்பரில் மஹாராஷ்டிராவில் இருந்து விதையில்லா திராட்சை மார்க்கெட்டிற்கு வரும். டிச., முதல் ஏப்.,வரை வரத்து இருக்கும். அந்த காலகட்டத்தில் கம்பம் பன்னீர் திராட்சைக்கு விலை கிடைக்காது.

இந்தாண்டு விதையில்லா திராட்சை வரத்தும் குறைவாக உள்ளது. பன்னீர் திராட்சையும் வரத்து பெரிய அளவில் இல்லை.

பன்னீர் திராட்சை விலை கிலோ ரூ. 70 முதல் ரூ.80 வரை கிடைத்து வருகிறது. கடந்தாண்டு சீசனில் பன்னீர் திராட்சை ரூ.35 தான் விலை கிடைத்தது. விலை உயர்வு விவசாயிகளை திருப்தி பட வைத்துள்ளது. பொதுமக்கள் விதையில்லா திராட்சையில் ஆர்வம் காட்டுவதால், நுகர்வு குறைந்துள்ளது. எனவே, வியாபாரிகள் கொள்முதலை குறைத்து வருகின்றனர்.