விபத்து காப்பீட்டு திட்டங்களில் பதிவு செய்ய வரவேற்பு

தேனி; ‘தபால் அலுவலகங்கள் மூலம் செயல்படுத்தப்படும் இரு விபத்து காப்பீட்டு திட்டங்களில் பதிவு செய்து பயன் பெறலாம்.’ என, தேனி கோட்ட தபால்துறை கண்காணிப்பாளர் குமரன் தெரிவித்துள்ளர்.

அவர் கூறியிருப்பதாவது: தபால் அலுவலகங்களில் இந்தியா போஸ்ட் பேமண்ட்ஸ் வங்கி மூலம் இரு விபத்து காப்பீட்டு திட்டங்கள் பதிவு செய்யப்பட்டு உள்ளன. இதில் 18 முதல் 65 வயதிற்கு உட்பட்டவர்கள் இணையலாம். பதிவு செய்யும் போது ஆதார், அலைபேசி, நாமினி விபரங்கள் தெரிவிக்க வேண்டும். பத்து லட்சத்திற்கான காப்பீட்டு திட்டத்திற்கான கட்டணம் ரூ.559, ரூ.15 லட்சம் காப்பீட்டு திட்டத்திற்கான கட்டணம் ரூ.799 ஆகும். இதற்காக மார்ச் 1 வரை தபால் அலுவலகங்களில் சிறப்பு முகாம் நடக்கிறது. மேலும் விபரங்களுக்கு 04546 260 501 என்ற எண்ணில் தொடர்பு கொள்ளலாம்., என்றார்.