சுருளியாறு நீர் மின் நிலைய ஆண்டு பராமரிப்பு மே மாதம் துவக்க முடிவு

தேனி மாவட்டத்தில் நீர்மின் உற்பத்தி நிலையங்கள் லோயர்கேம்பிலும், வண்ணாத்தி பாறையிலும் உள்ளது.

லோயர்கேம்ப்பில் உள்ள பெரியாறு நீர் மின் நிலையம் முல்லைப் பெரியாறு அணை நீரை பயன்படுத்தி, 4 ஜெனரேட்டர்கள் மூலம், 168 மெகாவாட் மின் உற்பத்தி செய்யப்படுகிறது. இந்த மின் நிலையம் நீர்வளத்துறையின் கீழ் உள்ளது.

வண்ணாத்தி பாறை அடர்ந்த வனப்பகுதியில் சுருளியாறு நீர்மின் நிலையம் உள்ளது. ஒரு ஜெனரேட்டர் மூலம் 35 மெகாவாட் மின் உற்பத்தி செய்யப்படுகிறது. இரவங்கலாறு அணையிலிருந்து தண்ணீரை கீழே இறக்கி, மின் உற்பத்தி நடைபெறுகிறது.

இது மின் வாரிய கட்டுப்பாட்டில் உள்ளது. ஆண்டு முழுவதும் கோடை காலத்தில் ஏற்படும் மின் தட்டுப்பாட்டை சமாளிக்க பயன்படும் . கோடையிலும் மின் உற்பத்தி இங்கு நடைபெறுவது தனிச் சிறப்பாகும்.