சேமியா, கோதுமை தோசை வேண்டாம்: மாணவியர் வெறுப்பு

தேனி:தேனி, சீர்மரபினர் மாணவியர் விடுதியில் ஆய்வு செய்த மாநில சட்டசபை பொது கணக்கீட்டு குழுவிடம், ‘சேமியா, கோதுமை தோசையை தினசரி உணவு பட்டியலில் இருந்து நீக்க உதவுங்கள்’ என, மாணவியர் கோரிக்கை விடுத்தனர்.

கணக்கீட்டு குழு தலைவர் தலைவர் செல்வப்பெருந்தகை, குழு உறுப்பினர்கள் போளூர் எம்.எல்.ஏ., கிருஷ்ணமூர்த்தி, சந்திரன் – திருத்தணி, சேகர் – பரமத்திவேலுார், அய்யப்பன் – கடலுார், செந்தில்குமார் – பழநி, குழு துணை செயலர் பாலசீனிவாசன் ஆகியோர் நேற்று அல்லிநகரம் அரசு மாதிரி மேல்நிலைப்பள்ளி அருகே உள்ள சீர்மரபினர் மாணவியர் விடுதியை பார்வையிட்டனர்.