டில்லியில் லாரிகள் கட்டுப்பாட்டால் வியாபாரம் பாதிப்பு : மந்தநிலை தேங்காய் விலை உயர்ந்தும் விற்பனையில் தொடரும் n

ஆண்டிபட்டி: கடந்த சில மாதங்களாக தேங்காய் விலை உயர்ந்தாலும் டில்லியில் லாரிகளுக்கு விதித்துள்ள கட்டுப்பாட்டால் விற்பனை பாதிப்பால் விவசாயிகள், வியாபாரிகள் கவலை அடைந்துள்ளனர்.

தேனி மாவட்டத்தில் கம்பம், வருஷநாடு, சின்னமனூர், உத்தமபாளையம், பெரியகுளம் பகுதிகளில் தென்னை சாகுபடி அதிகம் உள்ளது. இங்கு விளையும் தேங்காய் தமிழகம் முழுவதும் மற்றும் வெளி மாநிலங்களுக்கும் விற்பனைக்கு அனுப்பப்படுகிறது. கடந்த சில மாதங்களில் குறைவான வரத்தால் தேங்காய் விலை உயர்ந்தது. கிலோ ரூ. 20 முதல் 30 வரை இருந்த தேங்காய் விலை கிலோ ரூ.55 வரை உயர்ந்தது. சில்லறை விலையில் ஒரு தேங்காய் ரூ.10 லிருந்து ரூ.20 வரை உயர்ந்ததால் வீடுகளில் தேங்காய் பயன்பாட்டை பலரும் குறைத்தனர்.

விவசாயிகள் கூறியதாவது: ஒவ்வொரு ஆண்டும் அக்., நவ.,டிச., மாதங்களில் தேங்காய் வரத்து குறைந்து விடும். இடுபொருட்கள் விலை உயர்வு, தொழிலாளர்கள் சம்பள உயர்வு விவசாயிகளுக்கு பாதிப்பு ஏற்படுத்துகிறது. தோப்பில் கிலோ ரூ.22 க்கு கொள்முதல் செய்த வியாபாரிகள் தற்போது ரூ.18 ஆக குறைத்துள்ளனர். கடந்த ஆண்டு தேங்காய் விலையில் சரிவு ஏற்பட்டபோது விவசாயிகள் இளநீர் காய்களை வெட்டி அதிக விலைக்கு விற்பனை செய்தனர். இதனால் தேங்காய் வரத்து தற்போது குறைந்து விலை உயர்ந்துள்ளது.