ஆங்கில புத்தாண்டு கொண்டாட்டம்: கோயில்களில் பக்தர்கள் தரிசனம்

வீரபாண்டி கவுமாரியம்மன் கோயில், கண்ணீஸ்வரமுடையார் கோயில், அல்லிநகரம்வீரப்ப அய்யனார் கோயில், வரதராஜ பெருமாள் கோயில், காளியம்மன் கோயில், சந்தை மாரியம்மன் கோயில், வேல்முருகன் கோயில், அல்லிநகரம் ஆஞ்சநேயர், வரதராஜபெருமாள் கோயில்களில் நேற்று அதிகாலையில் நடை திறக்கப்பட்டு,சிறப்பு பூஜைகள் நடந்தன.

பொதுமக்கள் குடும்பத்தினருடன் சென்றுசுவாமி தரிசனம் பெற்றுச் சென்றனர். பெத்தாட்சிவிநாயகர் கோயில் மூலவருக்கு பூக்களால் ஆன அலங்காரம் செய்யப்பட்டு சிறப்பு தீபாராதனைகள், அபிஷேகங்கள் நடந்தன.

கம்பம்: கம்பராயப்பெருமாள் கோயில், கவுமாரியம்மன் கோயில், வேலப்பர் கோயில்களில் சிறப்பு அபிஷேக ஆராதனைகள் நடந்தது. உத்தமபாளையம் காளாத்தீஸ்வரர் ஞானாம்பிகை கோயில், யோகநரசிங்க பெருமாள் கோயில், சின்னமனூர் சிவகாமியம்மன் கோயில், பெருமாள் கோயில்களிலும் சிறப்பு அபிஷேக ஆராதனைகள் நடைபெற்றது. கோயில்களில் மக்கள் குடும்பத்தினருடன் வந்து சுவாமி தரிசனம் செய்தனர்.