தேனி அருகே சிறுத்தை நடமாட்டமா: மக்கள் பீதி

சிறுத்தை நடமாட்டம் என வெங்கடாச்சலபுரம், கோவிந்தநகரம், ஸ்ரீரங்காபுரம் அருகில் உள்ள கிராம மக்கள் பீதியடைந்தனர். இதைத்தொடர்ந்து வனத்துறை, ஸ்ரீவி., மேகமலைபுலிகள் காப்பகத்தினர் கிராமங்களில் ரோந்து பணியை தீவிரப்படுத்தி உள்ளனர்.

சின்னமனுார் வனச்சரகர் சிவாஜி கூறுகையில், ‘வெங்கடாசலபுரம் பகுதியில் நடமாடியது சிறுத்தை பூனையாக இருக்கலாம். இதற்கு முன் அப்பகுதியில் சிறுத்தை, சிறுத்தை பூனை வந்து சென்றதில்லை. தொடர்ந்து ரோந்து பணியில் ஈடுபட்டுள்ளோம். இருநாட்களாக எதுவும் தென்படவில்லை. நடமாட்டம் தெரிந்தால் தகவல் தெரிவிக்குமாறு பொதுமக்களிடம் கூறி வருகிறோம்’, என்றனர்.