தேசிய கூடைப்பந்து போட்டி பெரியகுளம் மாணவி சாதனை

தேசிய அளவிலான விளையாட்டு போட்டி சென்னையில் ஜன.16ல் துவங்கியது. இதில் தமிழ்நாடு, கேரளா, கர்நாடகா, ஆந்திரா உட்பட 33 மாநிலங்களிலிருந்து 462 பள்ளி மாணவிகள் விளையாடினர்.

இறுதி போட்டி சென்னை நேரு உள்விளையாட்டு அரங்கில் ஜன.19ல் நடந்தது. இறுதிப்போட்டியில் தமிழ்நாடு, மஹாராஷ்டிரா அணிகள் மோதியது.

இதில் தமிழ்நாடு அணி 53:47 புள்ளிக்கணக்கில் வெற்றி பெற்றது. தமிழ்நாடு அணிக்கு விளையாடிய சுனேனாவிற்கு தங்கப்பதக்கம், கோப்பை, சான்றிதழ் வழங்கப்பட்டது.

மாணவி சுனேனா கூறுகையில், ‘இந்தியாவிற்காக விளையாடி வெற்றி பெற வேண்டும் என்பதை இலக்காக கொண்டுள்ளேன்,’ என்றார்.

இவரை பலரும் பாராட்டி வருகின்றனர்.