அடிப்படை வசதி இன்றி சுற்றுலா பயணிகள் அவதி

மூணாறு: மூணாறு நகரில் அடிப்படை வசதி இன்றி பொதுமக்கள், சுற்றுலா பயணிகள் ஆகியோர் அவதியுற்று வருகின்றனர்.

சுற்றுலா நகரான மூணாறில் அடிப்படை வசதிகள் இல்லை. குறிப்பாக சுற்றுலா பயணிகள் பயன்பெறும் வகையில் குடிநீர், கழிப்பறை, நடைபாதை, தெருவிளக்கு, பஸ் ஸ்டாண்ட் மற்றும் உள்ளூர் மக்கள் பயன்பெறும் வகையில் மருத்துவமனை உள்பட எவ்வித வசதிகளும் இல்லை. அவற்றை தொலை நோக்கு சிந்தனையுடன் செயல்படுத்துவதற்கு மக்கள் பிரதிநிதிகள், அதிகாரிகள் முன்வருவதில்லை. அதனால் மூணாறு நகர் ஆரம்ப கால கட்டமைப்புடன் உள்ளதால் போக்குவரத்து நெரிசல் உள்பட பல்வேறு பாதிப்புகள் தொடர்ந்த வண்ணம் உள்ளன.