போக்கு காட்டும் புலி சிக்காத சிறுத்தையால் பீதி

தேவதானப்பட்டி:தேனி மாவட்டம், தேவதானப்பட்டி அருகே காமக்காபட்டியில் நேற்று முன்தினம் ஒரு ஆட்டை சிறுத்தை தாக்கிக் கொன்றது. தேவதானப்பட்டி அருகே அட்டணம்பட்டி – காமக்காபட்டி ரோடு பதினெட்டாம்படி கருப்பசாமி கோவில் பகுதியில் மார்ச் 5ல் ஆட்டுக் கிடையில் சிறுத்தை, ஆறு ஆடுகளை கடித்துக் கொன்றது.

இந்நிலையில், நேற்று முன்தினம் மாலை காமக்காபட்டியில் சிறுத்தை நடமாட்டத்தை விவசாயி மாரிமுத்து பார்த்துள்ளார். அன்று இரவு காமக்காபட்டி – கொடைக்கானல் சாலையில் தங்கப்பாண்டி என்பவர் வீட்டருகே வெளியில் கட்டப்பட்டிருந்த ஆட்டை சிறுத்தை கடித்துக் கொன்றது.